A esta casa chegaron a mediados do s. XVIII os irmáns D. Lorenzo e D. Manuel Llorente Romero, naturais de Cárdenas (Logroño).

I XERACIÓN

  • D. Lorenzo Llorente Romero. Rexedor perpetuo de Vigo.
    Casou en 1763 con Dª Magdalena Tournel. Tiveron por fillos entre outros a II 1 e 2.
  • D. Manuel Llorente Romero
    Casou con Dª Magdalena Pastor. Tiveron un único fillo II 3.

II XERACIÓN

  1. D. Manuel Llorente Tournel.
  2. D. José Llorente Tournel. Coronel de Infantería.
    Casou con Dª Juana Diraychin. Tiveron entre outros fillos a III 1 a 3.
  3. D. Manuel Llorente Pastor. Naceu en 1781 e faleceu en Madrid o 30 de xaneiro de 1873. Militar. Deputado a Cortes.
    Casou en 1819 en Santiago de Compostela con Dª Carmen Rey Losada. Filla de Fernando Rey do Barreiro e Catalina Losada Bernaldo de Quirós. Procedía da casa de Picón parroquia de Arca concello de O Pino (A Coruña). Tiveron un único fillo III 4.

III XERACIÓN

  1. D. Teófilo Llorente Diraychin. Naceu en Vigo o 4 de novembro de 1827 e faleceu o 27 de marzo de 1905. Coronel de enxeñeiros. Solteiro.
  2. Dª. Ramona Llorente Diraychin.
    Casou con D. Paulino Yañez.
  3. Dª. Josefa Llorente Diraychin
    Casou con D. Crispulo Villavicencio
  4. Hipólito Llorente Rey. Nado en Santiago de Compostela o 4 de agosto de 1820 e falecido o 1 de xaneiro de 1890. Militar. Gobernador militar de Vigo.
    Casou en Vigo o 8 de decembro de 1875 con Dª Elisa Naharro (para a súa xenealoxía ver “Casa Goda Baróns de” e Arines Casa de (Vigo) ). Non tiveron sucesión.

Bibliografía

  • Espinosa Rodriguez, José. "Tierra de Fragoso". Notas para la historia de Vigo y su comarca. Vigo 1947. Pags. 354-359.
  • VV AA Parlamentarios de Galicia Biografías de deputados e senadores (1810 – 2003) Parlamento de Galicia Real Academia Galega