Alfonso Rodríguez Castelao

Hai máis de dez anos, 9 de xullo do 2004, o noso compañeiro Milleiro publicou neste sitio un texto con datos xenealóxicos de Castelao. Pouco tempo atrás, o 29 de Maio do 2015, Breo-jan enviou varias mensaxes ao foro, ampliando notablemente a devandita información.

Neste escrito propuxémonos reunir os datos de ambos os dous autores. Respectamos, na medida do posible, a redacción orixinal.

Para un mellor ordenamento dividimos esta xenealoxía en catro liñas, correspondentes aos catro avós de Castelao.

Os Rodríguez

I Xeración

• Francisco Rodríguez e María Domínguez. Tiveron por fillo a II.

II Xeración

• Bernardo Rodríguez casado en Rianxo a 25 de marzo de 1786 con María Ignacia Parada, filla de Vicente Parada e Eulalia Costas. Tiveron por fillo a III.

III Xeración

• Luis Rodríguez, casado con Ana María García.

  Ana María García, filla de Joseph García e de María Andrea Querentes Caamaño, casados estes en Rianxo a 24 de agosto de 1771, e neta paterna de Sebastián García e Columba Ordóñez, e materna de Ignacio Querentes e Juana de Ínsua Caamaño.

  Foron Luis e Ana María pais de IV.

IV Xeración

• Manuel Rodríguez, casado con Bentura de Dios, pais de V.

V Xeración

• Mariano Rodríguez Dios, mariñeiro e despois alcalde de Rianxo. Casou con Joaquina Castelao Gemme¹ pais de VI.

VI Xeración

1. Afonso Daniel Manuel Rodríguez Castelao. Nado na vila de Rianxo o 30 de xaneiro de 1886. Bautizado na igrexa de Santa Comba. Falecido o 7 de xaneiro de 1950 na cidade de Bos Aires (Arxentina). Médico. A meirande figura da intelectualidade e da cultura galega do século XX. Casou na igrexa de San Paio de A Estrada o 19 de outubro de 1912 con Virginia Pereira Renda “Choliña”. Foron país de VII.
2. Josefina Rodríguez Castelao. Nada en 1897 e falecida 15 de outubro de 1974.
3. Teresa Rodríguez Castelao. Nada en Buenos Aires en 1899 e falecida na vila de Rianxo o 23 de marzo de 2000.

VII Xeración

1. Alfonso Jesús Rodríguez-Castelao Pereira. Nado o 30 de xaneiro de 1913 e finado no ano 1928.

Os Castelao

I Xeración

• Jacobo Castelao e María Liñares, veciños de Trobes. Pais de II.

II Xeración

• Ramón Castelao, casado con Antonia Balado. Pais de III.

III Xeración

• Francisco (Gregorio) Castelao, bautizado en Trobe el 4 de outubro de 1789, casado con María Rosa Vidal.

  María Rosa Vidal, irmá de Manuel María Vidal bautizado en Rianxo en 1795, e filla do escribán Don Baltasar Vidal e de María Juana da Figueira. Neta paterna de Joseph Vidal e Ángela da Figueira, e materna de Juan Andrés da Figueira Coello e María Rosa Rodríguez, casados e Rianxo a 8 de marzo de 1765. E bisneta pola súa nai de Domingo da Figueira Coello e Catalina de Abuín casados a 11 de xuño de 1736 en Rianxo, e de Manuel Rodríguez Collazo e María Rosa Torrado y Sobradelo. Trineta por Domingo da Figueira e Catalina de Abuín, de Francisco da Figueira e de Ángela Coello e de Francisco Rodríguez e Catalina de Abuín.

  Foron Francisco e María Rosa os pais de IV.

IV Xeración

• José Manuel Castelao, coñecido como “Pepe de Castelao”. Ebanista. Casou con Teresa Gemme². Tiveron por fillos a V.

V Xeración

• Joaquina Castelao Gemme casou con Mariano Rodríguez Dios e foron pais de:
  1. Afonso Daniel Manuel Rodríguez Castelao.
  2. Pilar Castelao Gemme.
  3. Francisco Castelao Gemme.
  4. José Ramón Castelao Gemme.
  5. Manuel Castelao Gemme.

Os Dios

I Xeración

• Juan de Dios, casou con Juana Rodríguez. Pais de II.

II Xeración

• Andrés de Dios, casado a 30-12-1726 en Rianxo con Francisca Saavedra, filla de José Rodríguez? Carreño? e Apolonia de Reino Saavedra. Pais de III.

III Xeración

• (Domingo) Benito de Dios, casado en Rianxo a 27-10-1752 con Antonia González, filla de Domingo Rodríguez e María González Justo, casados en Rianxo a 6-3-1730.

  Antonia González, neta paterna de Francisco Rodríguez e de Benita Romero, do lugar da Fincheira, en Rianxo. E materna de Francisco González e Catalina Justo.

  Benito e Antonia foron pais de IV.

IV Xeración

• Joseph de Dios, casado con Josefa da Costa, filla de Ignacio da Costa e Ana Ordóñez. Pais de V.

V Xeración

• Joseph de Dios, casado con María Josepha da Figueira, filla de Silvestre da Figueira e Micaela da Figueira. Pais de VI.

VI Xeración

• Bentura de Dios, muller de Manuel Rodríguez e avós de Alfonso Daniel Rodríguez Castelao.

Os Gemme

I Xeración

• Juan (Giovani) Gemme e María Bura, veciños de Gavi, no Piamonte, provincia de Alessandría, que daquela era do ''Reino'' de Xénova**³. Foron pais de II.

II Xeración

• Baltasar Gemme orixinario de Gavi casou con Joaquina Fuentes filla de Ramón Fuentes e Juana Collazo.

  Respecto da xenealoxía dos Fuentes consígnanse os seguintes datos:

  • Joseph da Fonte (apelido logo castelanizado ''de Fuentes''), mareante, viúvo de Antonia Fernández casou o 15 de marzo de 1711 en Rianxo con María Rariz do Rial, filla de Pedro de Rarís e Ignes do Rial. Foron Joseph e María Rariz pais de:
    • Clemente Fuentes, casado o 5 de maio de 1754 en Rianxo con Silvestra (Romero y) Pérez, filla de Joseph Somoza e Luisa Pérez y Romero, pais de:

      • Ramón Fuentes, casou con Juana Collazo.

        Juana Collazo foi filla de Tiburcio Collazo e María Benita de Canabal y Caamaño casados en Rianxo o 5-12-1756. Neta paterna de Miguel Collazo e de Felipa García Torrado, casados en Rianxo a 7-2-1735. E materna de (Andrés) Bonifacio Rodríguez de Canabal e de Francisca Rey y Rodríguez Somoza, casados en Rianxo o 27-2-1735. Bisneta de Francisco Collazo e María de Rial, e de Joseph García e María Torrado, e de Joseph Rodríguez de Canabal e Francisca Caamaño, e de Juan Rey e Madalena Rodríguez.

        Foron Ramón Fuentes e Juana Collazo pais alomenos de:

        • José Fuentes Collazo, bautizado en Rianxo a 7 de outubro de 1792 e de Joaquina Fuentes Collazo, casada con Baltasar Gemme.

  Baltasar y Joaquina tiveron por fillos a III.

III Xeración

• Don Baltasar Gemme Fuentes, bautizado en Rianxo a 6 de xaneiro de 1831. Gobernador civil de Pontevedra e de Salamanca.
• Don Alejandro Gemme Fuentes, gobernador de Ourense no ano 1869.
• Teresa de Jesús Gemme Fuentes, bautizada a 30 de marzo de 1829 en Rianxo, casada con José Ramón Castelao. Foron os avós maternos de Alfonso Daniel Rodríguez Castelao.

1. Castelao. En castellano familiar. RADICALES LIBRES, 17/05/2006. [http://radikaleslibres.blogspot.com/2006/05/castelao-en-castellano-familiar.html] [volver]
2. Paz Andrade, Valentín. Castelao, na Luz e na Sombra. Ediciós do Castro, O Castro, Sada, A Coruña, 1982. Según Paz Andrade, citado por Milleiro, o apelido Gemme é de orixe francesa. Pudo ficar engadido ás liñaxes galegas, por unha de duúas: procedencia ou por migración laboral, como a dos galovascos que fundou a indústria de curtidos. [volver]
3. NOMES ITALIANOS NAS LETRAS DA GALIZA Publicado em Agália, número 41, setembro de 1995, baixo o seudónimo de Giuseppe Guasco di Celle. http://www.aelg.org/resources/centrodoc/members/paratexts/pdfs/autor190/PT_paratext5860.pdf [volver]

Fontes

• Libros de bautizados y de casados de Santa Comba de Rianxo. AHD de Santiago.
• Libro de bautizados de Santo André de Trobe. AHD de Santiago.
• Breo-jan. Castelao (liña de Alfonso D. Rodríguez Castelao).[https://foros.xenealoxia.org/viewtopic.php?f=16&t=11582] 29-05-2015.
• Breo-jan. Dios, Rianxo.[https://foros.xenealoxia.org/viewtopic.php?f=16&t=11581] 29-05-2015.
• Breo-jan. Rodríguez (Rianxo, liña de Alfonso D. Rodríguez Castelao).[https://foros.xenealoxia.org/viewtopic.php?f=16&t=11580&p=36423#p36423] 29-05-2015.
• Breo-jan. da Fonte / de la Fuente / Fuentes, Rianxo.[https://foros.xenealoxia.org/viewtopic.php?f=16&t=11583&p=36426#p36426] 29-05-2015.
• Alfonso Daniel Rodríguez Castelao. Wikipedia. [https://gl.wikipedia.org/wiki/Alfonso_Daniel_Rodr%C3%ADguez_Castelao 26-06-2015

---

Pódese ver toda a xenealoxía anterior nunha arbre interactiva en Alfonso Daniel Rodríguez Castelao - Galicianos.org