Juan Gaviño. Nado na parroquia de Salcidos concello de A Guarda (Pontevedra) arredor de 1850. Emigrou a Puerto Rico, onde casou en primeiras nupcias con:
Petronila Costales, da que tivo tres fillos, e entre eles, a II.
Casou en segundas nupcias con Vicenta Cintron.
II XERACIÓN
Ángela Gaviño Costales. Nada no departamento de Juana Díaz, en Puerto Rico o 30 de agosto de 1886. Falecida o 6 de marzo de 1963.
Casou en La Vega (Santo Domingo) o 6 de novembro de 1906 con José Bosch Subirats. Nado en Tortosa (Tarragona) o 16 de xullo de 1877. Fillo de Francisco Bosch e de Maria Cinta Subirats. Artesán e albanel. Participou na edificación do Palacio Presidencia de Santo Domingo. Tiveron por fillos a:
III XERACIÓN
José Andrés Bosch Gaviño. Nado en La Vega (Santo Domingo) o 30 de novembro de 1907.
Juan Emilio Bosch Gaviño. Nado en La Vega (Santo Domingo) o 30 de xuño de 1909. Falecido en Santo Domingo o 1 de novembro de 2001. Político de esquerdas, ensaísta, novelista e escritor. Primeiro presidente constitucional da República Dominicana, electo en 1962, e derocado ao cabo duns meses por un golpe militar auspiciado polos Estados Unidos de América. Fundador do PRD (Partido Revolucionario Dominicana) e do PLD (Partido de Liberación Dominicana).
Casou en primeiras nupcias en xaneiro de 1935 con Isabel García Aguilar. Tiveron por fillos a IV 1 y 2.
Casou en segundas nupcias en Cuba o 30 de xuño de 1943 con Carmen Quidiello. Tiveron por fillos a IV 3 e 4.
Francisco Bosch Gaviño. Nado en Cabo Haitiano (Haití) o 17 de agosto de 1911. Falecido en 1922 a causa dunha epidemia de disentería.
María Josefina Bosch Gaviño. Nada en La Vega (Santo Domingo) o 23 de setembro de 1915 .
Ana Leticia Bosch Gaviño. Nada en 1917. Falecida en 1922, tamén a causa da disentería.
IV XERACIÓN
León Bosch García. Nado o 26 de decembro de 1936.
Carolina Bosch García. Nada en Puerto Rico o 14 de marzo de 1938.
Patricio Bosch Quidiello. Nado en La Habana o 20 de xullo de 1946.
Bárbara Bosch Quidiello. Nada en Costa Rica o 20 de decembro de 1951.
